Ońtüstik Koreyanyń Coinone kriptobirjasy Korea Investment & Securities (KIS) jáne OKX Ventures platformanyń 19,6 payyz ýlesin satyp alý ýshin jalpy somasy 160 milliard von (shamamen 106 million USD) kóleminde investıtsııa quıýǵa keliskenin málimdedi. Bul málimetti Cointelegraph.com habarlaydy .
Bul ınvestıtsııalyq joba aıasynda KIS jáne OKX Ventures kompanııalary Coinone platformasynyń bas dırektory Mıýng-Hýn Cha jáne Com2uS Holdings kompanııasynan keıingi ýshinshi iri aktsııonerge aınalady. Kelisimge sáıkes, qazirgi aktsııonerlerden ekinshilik aktsııalardy satyp alý jáne jańa aktsııalar shyǵarý kózdelgen. Mıýng-Hýn Cha kompanııanyń eń iri aktsııoneri jáne basqarý baqylaýyn ózinde saqtap qalady.
Bul strategııalyq seriktestik OKX Ventures ýshin Azııanyń eń qatań retteletin kripto naryqtarynyń birine kirý múmkindigin beredi. OKX ókilderiniń aıtýynsha, bul seriktestik kompanııanyń qaýipsiz jáne zańdy ınfraqurylymǵa degen nazaryn kórsetedi. Al KIS Ońtüstik Koreıada tokenızatsııalanǵan qarjy erejeleri damyp jatqan tusynda, Coinone-men birge qaýipsizdik tokenleri (STO) jáne steıblkoın jobalary ústinde jumys isteýdi josparlap otyr.
Ońtüstik Koreıada 2024 jyly «Vırtýaldyq aktıvter paıdalanýshylaryn qorǵaý týraly» zań kúshine engen soń, kriptosektor ústinen baqylaý sezilerlik dárejede kúsheıdi. Upbit, Bithumb, Coinone jáne Korbit sııaqty birjalar endi qylmystyq kiristerdi zańdastyrýǵa qarsy kúres boıynsha qatań talaptardy oryndaýǵa mindetti.
Sonymen qatar, Seýl úkimeti dástúrli qarjy ınstıtýtarynyń tsıfrlyq aktıvter naryǵyna kirýi ýshin esikterdi asta-sekin ashypty. Aqpan aıynda Mirae Asset Consulting kompanııasy Korbit birjasynyń 92,06 payyz ýlesin satyp alýǵa kelisken edi, bul elde dástúrli qarjy men kriptosektor ıntegratsııasynyń kúsheıip kele jatqanyn bildiredi.
“Zamin”-ді Telegram-нан оқыңыз!
