Матякуб Матчанов пен Рано Ярашева «Өзбекстан Республикасының халық артисі» атағымен марапатталды

Өзбекстан кино қайраткерлері шығармашылық одағының төрағасы, танымал киноактер Матякуб Матчанов пен Өзбек ұлттық академиялық драма театрының актрисасы Рано Ярашева «Өзбекстан Республикасының халық әртісі» құрметті атағымен марапатталды. Бұл туралы Президенттің «Мәдениет, өнер және әдебиет саласы қызметкерлерінің бір тобын марапаттау туралы» жарлығында айтылған.

Сондай-ақ, осы жарлықпен Ішкі істер министрлігі Мәдениет сарайының көркемдік жетекшісі, актер Учкун Тиллаев және Өзбек ұлттық мақам өнері орталығының Юнус Раджаби атындағы «Мақам» ансамблінің әртіс-аспапшысы Абдурахмон Холтожиев те «Өзбекстан Республикасының халық әртісі» құрметті атағымен марапатталды.

Матякуб Матчанов өзбек кино және театр өнерінде өзіндік орындаушылық мәнерімен, шынайы бейнелерімен және халыққа жақын рөлдерімен көрермендердің сүйіспеншілігіне бөленген өнер иелерінің бірі саналады. Ол «Bozor ko‘rmagan yigit», «Shabnam», «Tilim qursin», «Mening akam bo‘ydoq», «Endi dadam bo‘ydoq», «Sotqin» секілді көптеген фильмдердегі рөлдері арқылы көпшілікке танымал.

Актер бұған дейін «Өзбекстанда еңбек сіңірген әртіс» атағымен және «Достық» орденімен марапатталған болатын. Бұл жолғы «халық әртісі» атағы оның көп жылдық шығармашылығының, сахна және кино өнеріне қосқан үлесінің лайықты бағаланғанын көрсетеді. Рано Ярашева да театр өнеріндегі қызметі арқылы көрермендердің құрметіне ие болған өнер иесі ретінде жоғары марапатқа лайық деп танылды.