Қоқанда сапасыз дәрілер саудасы тоқтатылды

Бас прокуратура жанындағы департаменттің баспасөз қызметі хабарлағандай, сапасы кепілдендірілмеген дәрі-дәрмектер мен медициналық бұйымдардың таралуының алды алынған. Бас прокуратура жанындағы Департаменттің Қоқан қалалық басқармасының қызметкерлері Мемлекеттік қауіпсіздік қызметі қызметкерлерімен бірлесіп өткізген жедел шара барысында елге заңсыз әкелінген дәрілердің сақталғаны анықталған.

Шара кезінде азаматтардың бірі “А.Икромов” және “Саодат” МАФ аумағында заңсыз дәрі-дәрмектер сақтап отырғаны анықталған. Нәтижесінде жалпы құны 163,6 миллион сумды құрайтын 11 түрлі 2 411 қорап дәрі-дәрмек пен медициналық бұйымдар тәркіленген.

Анықталған барлық дәрі-дәрмек пен бұйымдардың сапасы мен шығуын растайтын құжаттар болмаған. Осы жағдай бойынша Өзбекстан Республикасы Қылмыстық кодексінің "Сапасыз немесе жалған дәрі-дәрмек пен медициналық бұйымдарды өндіру, сатып алу, сақтау, тасымалдау немесе сату, сондай-ақ дәріханалар мен олардың филиалдарынан тыс жерлерде дәрі-дәрмек сату, рецепті бойынша арнайы дәрі-дәрмек сату тәртібін бұзу" бабымен қылмыстық іс қозғалған.