Қазақстанда танымал блогердің отасы қайғылы жағдаймен аяқталды

Қазақстанда танымал блогер әйелге қатысты қайғылы жағдай әлеуметтік желілерде қызу талқылануда. Мәлім болғандай, 53 жастағы Сәуле Базархан Алматы қаласындағы жеке клиникалардың бірінде липосакция отасын жасатқан.

Алдын ала мәліметтер бойынша, отадан кейін оның жағдайы күрт нашарлаған. Көп ұзамай блогердің қайтыс болғаны туралы хабар тарады.

Марқұмның жақындары отадан кейінгі емдеу процесіне қатысты бірқатар сұрақтар қойып, жағдайды анықтауды талап етуде. Олар, атап айтқанда, медициналық көмектің қаншалықты дұрыс көрсетілгені және бақылау жұмыстарының қалай жүргізілгеніне алаңдаулы.

Аталған дерек бойынша Алматы қалалық полициясы тергеу жұмыстарын бастағаны хабарланды. Құқық қорғау органдары оқиғаның мән-жайын анықтап жатыр.