"Атлетико" Лукман үшін 50 млн еуро төлеуге дайын

«Аталанта» шабуылшысы Адемола Лукман Мадридтің «Атлетико» клубына ауысуы мүмкін. «Матрасшылар» футболшы өкілдерімен қысқы трансфер терезесі аясында келіссөздер жүргізуді бастаған.

Журналист Экрем Конурдың мәліметінше, Испанияның беделді клубы нигериялық футболшы үшін 45-50 миллион еуро көлемінде ұсыныс жасауға дайын. Өткен жылы жазда «Интер» клубы да Адемола Лукманды сатып алуға әрекет жасаған еді.

Алайда «Аталанта» өз жұлдызын жіберуден бас тартқан. Бергамо клубының 28 жастағы футболшымен қолданыстағы келісімшарты 2027 жылдың ортасына дейін жалғасады.

Transfermarkt порталының сарапшылары оның құнын 40 миллион еуроға бағалауда.