Сегіз клуб Серия A жұлдызын сатып алғысы келеді

«Аталанта» шабуылшысы Адемола Лукман Еуропаның бірнеше клубтарының назарында тұр. Журналист Экрем Коннурдың хабарлауынша, «Галатасарай» футболшыны сатып алу шартымен жалға алу мүмкіндігін қарастыруда.

Лукманның шешіміне Түркияда Виктор Осимхеннің ойнап жүргендігі ықпал етуі мүмкін. Сондай-ақ, 28 жастағы футболшыға «Интер», «Рома», «Наполи», «Атлетико», «Тоттенхэм», «Астон Вилла» және «Вест Хэм» клубтары да қызығушылық танытуда.

«Аталанта» өз шабуылшысын 55-60 миллион еуро шамасында сатуға дайын. Биылғы маусымда нигериялық футболшы барлық турнирлерді есептегенде он кездесуде алаңға шығып, бір гол соққан.

Футболшының клубпен келісімшарты 2027 жылдың жазысына дейін жарамды.