«Комо» бас бапкері Сеск Фабрегас А Серия көшбасшысы «Интерге» қарсы өткен драмалық матчтан кейін өз командасының ойынын мақтан тұтатынын білдірді. «Стадио Синигальяда» өткен кездесуде айдын иелері 4:3 есебімен есе жіберсе де, испаниялық маман нәтижеден гөрі командасының ұзақ мерзімді дамуына басымдық беріп отыр.
Бұл туралы Goal.com хабарлайды.
Кездесу барысында «Комо» Алекс Валье мен Нико Пастың голдарының арқасында екі доп басымдығына ие болған еді. Алайда «Интер» шабуылшылары Маркус Тюрам мен Дензел Думфристің дубльдері арқасында жағдайды өзгерте алды.
Бұл «Комо» үшін А Серия тарихында екі доп айырмашылығымен алда тұрып, жеңіліске ұшыраған алғашқы ойын ретінде тіркелді.
Фабрегас ойыннан кейін берген сұхбатында турнир кестесіндегі орынға қызықпайтынын атап өтті. Оның айтуынша, командасының чемпионат көшбасшысына қарсы 20 соққы жасауы тактикалық өсудің белгісі болып табылады.
Бапкер өз шәкірттерінің батылдығы мен мінезін жоғары бағалап, қателіктер жас команда үшін қалыпты жағдай екенін айтты.
«Комо» президенті Мирван Суварсо да Фабрегастың қызметіне жоғары баға беріп, болашақта оның «Арсенал», «Барселона» немесе «Челси» сияқты гранд клубтарды басқаруы мүмкін екенін жоққа шығармады. Қазіргі уақытта команда 5-орында келеді және алда оларды «Сассуолоға» қарсы матч пен Италия кубогының жартылай финалы аясында «Интермен» қарымта ойын күтіп тұр.
“Zamin”-ді Telegram-нан оқыңыз!
