Бавария жаңа жартылай қорғаушы тапты

Бельгияның "Андерлехт" клубының жартылай қорғаушысы Натан де Кат Германия Бундеслигасында мансабын жалғастыруы мүмкін. Бұл туралы Sky Sport хабарлады.

Журналистердің мәліметінше, 17 жастағы футболшыны Мюнхеннің "Бавария" және Дортмундтың "Боруссия" клубтары құрамына қосуды қарастырып отыр. Футболшының трансферлік құны 7 миллион еуроға бағалануда.

Де Каттың "Андерлехт" командасымен қолданыстағы келісімшарты 2027 жылдың жазына дейін жарамды. Бельгияның қазіргі маусым чемпионатында жартылай қорғаушы 14 ойында алаңға шығып, өз есепшотына бір гол және бір нәтижелі пас жазған.