Эдди Хау: Гвардиоланы жеңу үшін ұзақ күттім

«Ньюкаслдың» бас бапкері Эдди Хау Англия Премьер-лигасының 12-турында «Манчестер Ситиден» 2:1 есебіндегі жеңістен кейін пікір білдіре отырып, бұл оның Хосеп Гвардиоладан тұңғыш жеңісі екенін атап өтті. "Пепті жеңу үшін ұзақ уақыт күтуге тура келді.

Ол – керемет бапкер. Бұған дейін Премьер-лиганың ең мықты командасымен матчтарда нәтижелеріміз жақсы болмады.

Ең маңыздысы, «Ньюкасл» «Манчестер Ситиден» басым түсті. Ал жеке статистикам аса маңызды емес", - деді Хау.

Қазіргі уақытта «Ньюкасл» Премьер-лиганың турнирлік кестесінде 14-орында және 12 ойыннан кейін 15 ұпай жинаған.