Италия құрамасы, "Милан" және "Интер" клубтарының бұрынғы қақпашысы Лоренцо Буффон 95 жасында қайтыс болды. Бұл туралы оның қызы Патриция "Quotidiano Sportivo" басылымына хабарлады.
Лоренцо Буффон Джанлуиджи Буффонның атасымен немере туыс болған. Аңыз футболшы жүрегі тоқтап, туған күніне бір ай жетпей өмірден өтті.
"Милан" және "Интер" клубтары қақпашының құрметіне арналған хабарларды өздерінің ресми сайттарында және әлеуметтік желілерде жариялады. Лоренцо Буффон 1949–1959 жылдары "Милан" намысын қорғаған, ал 1960–1963 жылдары "Интер" сапында ойнаған.
Ол бес рет Италия чемпионы және бір рет Латын кубогының жеңімпазы болған. Италия құрамасы сапында Буффон 15 ойынға қатысып, 17 гол жіберіп алған.
Футболшылық мансабын аяқтаған соң, ол аз танымал клубтарда бапкерлік қызмет атқарған және "Милан" клубында скаут ретінде жұмыс істеген.
«Меҳмон» тобындағы келушілер бұл жарияланымға пікір қалдыра алмайды.
