Барселона Рафиньяның орнын басатын ойыншы тапты

Манчестер Сити командасының жас вингері Савио Барселонаның назарын аударды. Каталониялық клубтың спорт директоры Деку 21 жастағы футболшыны Рафинья Диастың лайықты ізбасары ретінде қарастыруда.

Рафиньяның келесі жылы команданы тастап кету мүмкіндігі жоғары, себебі оған Сауд Арабиясы клубтары қызығушылық танытуда. Барселона қаржылық қиындықтарды бастан кешіруде және команда тиімді ұсыныстарды қабылдауы ықтимал.

Манчестер Сити сапында Савио үнемі негізгі құрамда ойнамайды, бұл оның кетуі жайлы сыбыстарды күшейтті. Transfermarkt порталының мәліметінше, жас бразилиялық футболшының бағасы 50 миллион еуроны құрайды.