Артета Троссардың денсаулығы туралы айтты

Лондонның "Арсенал" футбол клубының бас жаттықтырушысы Микель Артета өз шабуылшысы Леандро Троссардың денсаулығына қатысты пікір білдірді. "Бұл да [Салиба сияқты] бірнеше күндік мәселе", - деп мәлімдеді Артета "Арсеналдың" ресми сайтына берген сұхбатында.

Еске сала кетейік, Троссар өткен апта Чемпиондар лигасында "Баварияға" қарсы ойын (3:1) кезінде жарақат алған болатын және жексенбі күні "Челсимен" болған кездесуге (1:1) қатыспады. Ағымдағы маусымда бельгиялық футболшының есебінде "канонирлер" сапында ресми ойындарда 5 гол және 5 нәтижелі пас бар.

Бұған дейін, Артета қорғаушы Вильям Салибаның денсаулығы туралы да пікір білдірген еді. Салиба да жарақатына байланысты "Челсиге" қарсы ойынға қатыспаған.