Кунде "Барселона" құрамында 160-шы матчын өткізді

Каталонияның "Барселона" командасы Испания чемпионатының кезекті турында Мадридтің "Атлетико" клубын 3:1 есебімен жеңді. Бұл кездесу "Барселона" қорғаушысы Жюль Кюнде үшін маңызды оқиға болды.

Франциялық футболшы клуб сапындағы 160-шы ойынын өткізді. Кюнде "Барселона" абыройын барлық турнирде қорғаған ойындарының саны бойынша француз футболшылары арасында үшінші орында тұр.

Оның алдында Эрик Абидаль (193 ойын) және Усман Дембеле (185 ойын) орналасқан. Еске салсақ, Жюль Кюнде 2022 жылы "Севилья" клубынан "Барселонаға" ауысқан еді.