Месси: Гвардиола мен үшін ерекше бапкер

“Интер Майами” шабуылшысы Лионель Месси “Барселонада” бірлесіп жұмыс істеген бұрынғы жаттықтырушысы Хосеп Гвардиола туралы пікірін білдірді. “Мен үшін Гвардиола – ерекше тұлға.

Жоғары деңгейдегі керемет жаттықтырушылар бар, бірақ Гвардиоланың өзіне тән ерекше қасиеті бар. Менің ойымша, ол ең үздік.

Ойындарды көру, матчқа дайындалу және футболшылармен қарым-қатынас тұрғысынан ол керемет жаттықтырушы. Ол ең мықты және біздің жолымыз болды, өйткені ол “Барселонада” жұмыс істеді.

Ол біздегі футболшылармен керемет үйлесім тауып, өз идеяларын мінсіз жүзеге асырды”, – деді Месси ESPN-ге берген сұхбатында. Қазіргі уақытта Хосеп Гвардиола “Манчестер Сити” клубында бас жаттықтырушы ретінде қызмет атқарады.