Transfermarkt сайтында Англия Премьер-лигасында ойнап жүрген футболшылардың трансферлік бағалары жаңартылды. Бұрынғы хабарларда айтылғандай, АПЛ-дың ең көп қымбаттаған футболшылары Эрлинг Холанд пен Эстевао болды.
Алайда бағалау нәтижелеріне сәйкес, бағасы ең көп арзандаған футболшылар тізімінде "Ливерпуль" клубының жаздағы қос жаңа ойыншысы Александр Исак пен Флориан Вирц көш бастап тұр. Швециялық және неміс футболшыларының құны 20 миллион еуроға төмендеген.
Ендігіде Исактың құны 120 миллион еуро, ал Вирцтікі 110 миллион еуро деп бағаланып отыр. АПЛ-дың келесі ең көп арзандаған футболшылары тізімінде Алексис Мак Аллистер, Родри және Мұхаммед Салах үшінші орынды бөлісуде.
Олардың жаңа трансферлік бағалары тиісінше 85, 75 және 30 миллион еуроны құрайды. Әрбір футболшының құны 15 миллион еуроға төмендеді.
«Меҳмон» тобындағы келушілер бұл жарияланымға пікір қалдыра алмайды.
