Челси Стерлингпен келісімді тоқтатпақшы

Лондонның "Челси" клубы шабуылдаушы жартылай қорғаушы Рахим Стерлингпен қысқы трансфер кезеңінде қоштасуды жоспарлап отыр. Бұл туралы Caught Offside басылымы хабарлады.

31 жастағы футболшы мансабын жалғастыруы мүмкін екі клубтың атауы айтылуда: "Лидс" және "Кристал Пэлас". Егер бұл клубтардың ешқайсысы Стерлингті өз құрамына қоспаса, "Челси" футболшымен келісімшартты мерзімінен бұрын бұзу нұсқасын қарастыруы мүмкін.

Рахим Стерлингтің Лондон клубымен жасаған келісімшарты 2027 жылдың жазында аяқталады. Оның трансфер нарығындағы құны шамамен бес миллион еуроға бағаланып отыр.

Ағымдағы маусымда Стерлинг "Челси" сапында бірде-бір матч өткізбеген.