Луиш Фигу 2026 жылғы ӘЧ фавориттерін атады

Португалиялық бұрынғы футболшы Луиш Фигу 2026 жылғы әлем чемпионатында чемпиондық үшін күресуі мүмкін құрамалар туралы пікір білдірді. Фигудың айтуынша, Испания чемпиондыққа негізгі үміткерлердің бірі.

Ол сондай-ақ Бразилия, Аргентина, Португалия және Испания құрамаларының мүмкіндіктеріне сенім білдіретінін атап өтті. Бұл туралы Marca басылымы хабарлады.

Еске сала кетейік, желтоқсан айының басында Вашингтон қаласында өтетін мундиальдің топтық кезеңіне жеребе тарту рәсімі өткен болатын. Әлем чемпионаты 2026 жылдың жазында Солтүстік Американың үш мемлекетінде — АҚШ, Канада және Мексикада өтеді.

Қазіргі әлем чемпионы Аргентина құрамасы саналады.