Тоттенхэм 0:3 есебімен жеңілген соң Франкты қолдады

Тоттенхэм жексенбі күні Англия чемпионаты аясында сырт алаңда Ноттингем Форесттен 0:3 есебімен жеңіліске ұшырады. Матчтан кейін Лондон клубының басшылығы бас бапкер Томас Франктің болашағына қатысты талқылау өткізді.

The Athletic басылымының хабарлауынша, ойын нәтижелеріне қарамастан, Тоттенхэм басшылығы Франкті қолдайтынын мәлімдеді. Клуб жетекшілері маманға уақыт беру қажет деген пікірде.

Қазіргі уақытта Тоттенхэм Англия чемпионатының турнирлік кестесінде 11-орында тұр. Франк шәкірттері келесі кездесуін сенбі, 20 желтоқсанда Ливерпульге қарсы өткізеді.

Томас Франк Тоттенхэмді жазда қабылдаған болатын. Ол бұған дейін Брентфордтың бас бапкері ретінде табысты қызметімен танылған еді.