Марко Симоне: Лука Модричтің әлі де ынтасы бар

Италияның «Милан» клубының бұрынғы шабуылшысы Марко Симоне жазда командаға қосылған Лука Модричтің не үшін әлі де ойынымен жанкүйерлерді таңғалдырып келе жатқанын түсіндірді. Оның айтуынша, Модрич секілді футболшылар көрермендерге ерекше ұнайды.

Симоне пікірінше, Модрич өз мансабында барлық жетістіктерге жеткеніне қарамастан, оның әлі де ынтасы мен құлшынысы байқалады. Ол мұны жанкүйерлер ерекше жақсы көретін Дженнаро Гаттузомен салыстырды: осындай мінезді, алаңда барын салатын футболшылар жанкүйерлердің жүрегіне жол табады.

Еске сала кетейік, Модрич бұған дейін Лондонның «Тоттенхэм» және Мадридтің «Реал» клубтарында ойын көрсеткен. 2018 жылы Лука «Алтын доп» сыйлығын жеңіп алған.