Италиялық: Пенальтиге жетуіміз сәттілік болды

Италия Суперкубогында "Миланнан" кейін "Интер" де турнирден шығып қалды. Негізгі және қосымша таймдар 1:1 есебімен аяқталған соң, "неррадзурилар" пенальти сериясында қарсыласынан нашар ойнап, жеңіліске ұшырады.

Ойыннан кейін "Болонья" бас бапкері Винченцо Итальяно матчтың егжей-тегжейі туралы пікір білдірді. "Ерте гол жіберіп алу әрдайым қиын, біз басқа сценарийге дайындалған едік.

Абырой болғанда, есепті теңестіре алдық. Күрес көп болды, ал пенальти сериясына жеткенімізде аздап сәттілік те көмек болды", – деп оның сөзін fcinter1908.it келтірді.

Енді Италия Суперкубогының финалында "Болонья" "Наполиге" қарсы алаңға шығады.