"Ливерпуль" жаңа жартылай қорғаушы үшін 15 миллион ұсынбақ

Бразилияның "Гремио" клубында ойнап жүрген 17 жастағы вингер Габриел Мек Англия Премьер-лигасының үздік клубына ауысу мүмкіндігіне ие. Инсайдер Фабио Варгас берген ақпаратқа сәйкес, шабуылдаушы жартылай қорғаушыны қатарға қосуға АПЛ-дың қазіргі чемпионы — "Ливерпуль" қызығушылық танытуда.

Мерсисайдтықтар футболшы үшін бразилиялық тарапқа 15 миллион еуро ұсынуға дайындалып жатыр. Алайда "Гремио" басшылығы Габриел үшін одан да көп қаражат өндіріп алуды жоспарлап отыр.

Англия чемпионатының 17-туры аяқталғаннан кейін "Ливерпуль" 29 ұпай жинап, турнир кестесінде төртінші орында тұр.