«Ливерпуль» Мак Аллистерге жаңа келісімшарт ұсынбақ

«Ливерпуль» жартылай қорғаушы Алексис Мак Аллистермен келісімшартын ұзартуды жоспарлап отыр. Аргентиналық футболшының қазіргі келісімі 2028 жылы аяқталады, бірақ «қызылдардың» басшылығы хавбекпен жаңа келісім жасасуды көздеп отыр, деп хабарлайды журналист Иэн Дойл.

Клуб әлем чемпионына Мадридтің «Реалы» қызығушылық білдіріп жатқаны туралы біледі, сондықтан 27 жастағы футболшымен нақты келіссөздерді жақын арада бастауды жоспарлап отыр. Алексис Мак Аллистер 2023 жылғы жазда «Брайтоннан» «Ливерпульге» ауысқан.

Ағымдағы маусымда ол Арне Слот командасында барлық жарыстарда 24 матчқа қатысып, 1 гол мен 2 нәтижелі пас берді.