«Атлетико» шабуылшысы Хулиан Альварестің мүддесін қорғайтын агент Фернандо Идальго футболшының Каталонияның «Барселона» клубына ауысуы мүмкін деген қауесеттерге пікір білдірді. Бұл туралы euro-football.ru хабар береді.
Идальгоның айтуынша, Альваресті құрамына қосуды қалайтын кез келген тарап алдымен «Атлетико» клубымен байланысуы керек. Агент футболшының қолданыстағы келісімшартпен байланысты екенін және қазір толықтай командадағы міндеттеріне назар аударып отырғанын айтты. Сондай-ақ ол «Барселонаның» спорт директоры Декомен кездесу болғаны туралы ақпаратты жоққа шығарып, соңғы уақытта онымен көріспегенін мәлімдеді, деп жазады Sport.es.
Дереккөздерге сүйенсек, аргентиналық шабуылшының трансферлік құны 100 миллион еуроға бағаланып отыр. Альварестің «Атлетико» клубымен келісімшарты 2030 жылдың ортасына дейін күшінде.
“Zamin”-ді Telegram-нан оқыңыз!
