Бибісара Асаубаева қазақ тілін үйрене бастады

Шахматтан үш дүркін әлем чемпионы Бибісара Асаубаева қазақ тілін үйренуге шешім қабылдады. 22 жастағы спортшы бұл туралы 2026 жылғы 23 сәуірде өзінің Telegram-арнасында мәлімдеді. Оның айтуынша, жаңа мұғаліммен алғашқы сынақ сабағы белгіленіп қойған. Бұл туралы Zakon.kz хабарлайды.

Бұған дейін шахматшы қыз сұхбаттары мен ресми сөздерінде қазақ тілінде жауап бермегені үшін бірнеше рет сынға ұшыраған болатын. Осыдан кейін Асаубаева жағдайды түзетуге ниетті екенін білдіріп, тіл үйренумен байыпты айналысуға уәде берген еді.

Мәлімет ретінде айта кетсек, Қазақстанның тағы бір танымал шахматшысы, халықаралық гроссмейстер Жансая Әбдімәлік те әлеуметтік желілерде белсенділік танытып, өзінің кішкентай ұлы түскен суреттермен бөлісті.