Өзбекстан 2030 жылға дейін азаматтардың визасыз сапарлай алатын елдер санын 50-ге жеткізуді жоспарлап отыр. Бұл мақсаттар 2026–2030 жылдарға арналған жаңартылған даму стратегиясы жобасында көрсетілген. Бұл туралы podrobno.uz хабарлайды.хабарлайды.
Құжатқа сәйкес, визасыз немесе жеңілдетілген кіру жөніндегі келісімдер кезең-кезеңімен кеңейтіледі: 2026 жылы тағы 2 елмен, ал 2027 жылы 5 елмен жаңа келісімдер жасау көзделген. Нәтижесінде визасыз бағыттар саны 2028 жылға қарай 45-ке, 2029 жылы 48-ге жетіп, 2030 жылы 50-ге шығуы жоспарланған.
Сонымен қатар, кіру тәртібі жеңілдетілген елдер тізімін де кеңейту жоспарланған. 2026–2030 жылдар аралығында мұндай мемлекеттер санын 60-қа жеткізу көзделіп отыр. Әңгіме электронды виза, әуежайда виза немесе өзге де жеңілдетілген режим ұсынатын елдер туралы.
Алдағы жылдары консулдық қызметтерді алу үшін мобильді платформаны іске қосу да жоспарланған. Цифрландыру есебінен сервис пайдаланушыларының саны қазіргі 8,5 мыңнан 2026 жылы 15 мыңға, ал 2030 жылға қарай 100 мың адамға дейін өседі деп күтілуде.
Сыртқы істер министрлігінің мәліметінше, қазір Өзбекстан азаматтары 35 елге визасыз бара алады. Тағы 42 мемлекет кірудің әртүрлі жеңілдетілген тәртіптерін ұсынады.
“Zamin”-ді Telegram-нан оқыңыз!
