Britaniyaning OpenDemocracy nashri “Qirg‘izistonning sobiq prezidenti Almazbek Atamboyev davridagi elita orasida ehtimoliy korrupsiya haqida nimalarni bilamiz?” maqolasini e’lon qildi. Maqolada Qirg‘izistonning sobiq davlat rahbari prezidentligi yillari, uning kadrlar tayinlovi, shuningdek, uning boshqaruvi chog‘ida ehtimolli korrupsion bitimlar tahlil qilib chiqilgan.
Xabar qilinishicha, o‘tgan yilning noyabr oyiga qadar garchi “manbalari noma’lumligicha qolayotgan” bo‘lsa-da, Almazbek Atamboyev Qirg‘izistonning nihoyatda boy prezidenti bo‘lib turgan.
Vakolat muddatlari tugagach, eks-prezident ismi minitsipal mulkni noqonuniy xususiylashtirishdan tortib infratuzilmaviy loyihalar mablag‘larini o‘marishgacha bo‘lgan jinoyat ishlarida tilga olina boshlandi. Atamboyev va uning eng yaqin gumashtalari korrupsiya va noqonuniy faoliyatda ayblangan maqolalar Qirg‘iziston ommaviy axborot vositalari hamda ijtimoiy tarmoqlarda paydo bo‘la boshladi.
Oltmish ikki yoshni qoralagan Almazbek Atamboyev o‘z boyligi bilan oshkora maqtanishni ham yaxshi ko‘rardi. 2016 yilda, xorijiy davlatlar elchilari ishonchi yorliqlarini topshirish marosimida Qirg‘iziston prezidenti uning siyosiy karerasi milliarderga aylangach boshlanganini aytib o‘tgan. 2017 yilning fevralida Rossiya prezidenti Vladimir Putin bilan uchrashuvi chog‘ida eks-prezident (uchinchi shaxsda) maqtangan: “Atamboyev hech qachon o‘g‘rilik qilmagan! U o‘z pullarini o‘zi ishlab topgan! Atamboyev milliarderga aylanganida, bugungi millionerlar o‘z bizneslarini endi boshlashgan edi!”
Biroq eks-prezidentning deklaratsiyalangan daromadi juda kamtar. 2010 yilda u vaqtinchalik hukumatda bosh vazir sifatida 5.944 dollar ishlab topgan. 2015 yilga kelib, rasmiy ma’lumotlarga ko‘ra, Atamboyev 111.205 dollar, uning rafiqasi Raisa Atamboyeva 580.860 dollar daromad ko‘rishgan.
Biroq, hashamatli boyliklarga e’tibor qaratilsa, sobiq prezident oilasi prezidentlik chog‘ida ancha ko‘paygan, biroq kelib chiqishi noma’lum bo‘lgan yanada kattaroq moliyaviy resurslarga ega ekanligi oydinlashadi.
Shunday ob’ektlardan biri — Bishkekdan janubroqda joylashgan, 2016 yilda qurilgan Qo‘ytoshdagi uch qavatli saroydir. Prezidentlikka saylanganiga qadar Atamboyev Bishkekning sharqidagi ko‘zga tashlanmas uyda istiqomat qilgan.
2018 yilning martida sobiq prezident Bishkekdagi davlat prezident qarorgohi hududida maydoni 300 kvadrat metr bo‘lgan yozgi villa quradi.
Nashrning yozishicha, endi, Almazbek Atamboyev davridagi sobiq bosh vazir (Sapar Isaqov) qamoqxonada, uning maslahatchisi (Ikromjon Ilmiyanov) mamlakatdan chiqarib yuborilgan bir paytda sobiq prezident ham “mamlakatdan chiqib ketish” tadorigini ko‘rmoqda.
22 oktyabr kuni sobiq prezident Qirg‘iziston sotsial-demokratik partiyasi yetakchisi sifatida Osiyo siyosiy partiyalarining xalqaro konferensiyasi Bosh assambleyasida ishtirok etish uchun Moskvaga yo‘l olgan. Atamboyevning o‘zi Sankt-Peterburgga yaqin qarindoshlaridan birining dafn marosimiga otlanayotganini aytib o‘tgan, bu esa faollarning fikricha, ehtimolli sudlanish tahdidi ostida mamlakatdan qochish uchun bir bahonadir. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
