Zelenskiyning otasi o‘g‘liga «minus to‘rt» qo‘ydi

  • 17 dekabr 2019, 22:20
  • 1 392
  • Dunyo
  • Zelenskiyning otasi o‘g‘liga «minus to‘rt» qo‘ydi
    Foto: «Replyua»
    «Argumenti.ru» yozishicha, Vladimir Zelenskiy boshqaruvidan norozi ayrim ukrainaliklarga prezidentning otasi Aleksandr Zelenskiy munosabat bildirdi: «O‘g‘limning bahosi «minus to‘rt!».

    Jurnalistlar ham tinch turishgani yo‘q, katta Zelenskiyni o‘g‘lingiz o‘qituvchilarning maoshini 4 ming dollargacha oshiraman, deb va’dalarni quyuq qilgandi, mana endi odamlarning hafsalasi pir bo‘lib, uning reytingi pasayib ketyapti, deya so‘roqqa tutishdi.

    «Ha, Vova aybdor. Unga minus 4 qo‘yamiz», — dedi kinoya bilan Aleksandr Zelenskiy. Uning ta’kidlashicha, hozirgi prezident siyosatidan «kallavaramlar»gina norozi bo‘lishi mumkin. Aql-hushi joyida fuqarolar esa Vladimir Zelenskiyning va’dasida turadigan halol insonligini yaxshi bilishadi, faqat ozgina kutish kerak, hali natijalarni ko‘rishga arzigulik vaqt o‘tgani yo‘q.

    Aleksandr Zelenskiy. Foto: «RUspex»
    Ma’lumot uchun: Aleksandr Zelenskiy (1947 yilda tug‘ilgan) — texnika fanlari doktori, professor, matematik va dasturchi. Kirovorog iqtisodiyot institutining informatika kafedrasi mudiri. Ukraina prezidenti Vladimir Zelenskiyning otasi.

    » » Zelenskiyning otasi o‘g‘liga «minus to‘rt» qo‘ydi