Eron Islom inqilobi qo‘riqchilari korpusining yuqori lavozimli ofitseri Mohsen Rizoiy urushni to‘xtatish masalasi bo‘yicha Eronning asosiy talablarini bayon qildi.
Uning ta’kidlashicha, urushning qanday yakun topishi ko‘p jihatdan Eron pozitsiyasiga bog‘liq. Shuning uchun harbiy to‘qnashuvni tugatish haqidagi masala faqat muayyan shartlar bajarilgan taqdirdagina muhokama qilinishi mumkin.
Rizoiyning so‘zlariga ko‘ra, birinchi navbatda Qo‘shma Shtatlar Eronga yetkazilgan barcha zarar uchun to‘liq tovon to‘lashi kerak. Shundan keyingina urushni to‘xtatish haqida gap bo‘lishi mumkin.
Ikkinchi muhim talab sifatida u kelajak uchun ishonchli kafolat berilishi zarurligini aytdi. Ya’ni, AQSH o‘z harbiy kuchlarini Fors ko‘rfazi hududidan butunlay olib chiqishi lozim.
Eron va Amerika o‘rtasidagi keskinlik fonida aytilgan bu bayonot mintaqadagi vaziyat yanada jiddiy tus olishi mumkinligini ko‘rsatmoqda.
“Zamin”ni Telegramʻda oʻqing!
