Isroil Davlat armiyasi janubiy Livan hududida cheklangan va aniq maqsadli quruqlik amaliyotini yo‘lga qo‘yganini rasman ma’lum qildi. Bu haqda SAXAL (IDF – Israel Defense Forces) bayonotida xabar berildi.
Bayonotda ta’kidlanishicha, amaliyotning asosiy maqsadi janubiy Livandagi Hizbullohning tayanch punktlari va infratuzilmasiga qarshi harakat qilishdan iborat. Shu orqali Isroil Old Mudofaa hududini mustahkamlab, terrorchi infratuzilmani yo‘q qilish va jangarilarning faoliyatini cheklashni maqsad qilmoqda. Bu tadbirlar Isroil shimolidagi aholi uchun qo‘shimcha xavfsizlik qatlamini tashkil etishga ham qaratilgan.
Hodisalarning keskinlashishi 2 mart kuni “Hizbulloh” tomonidan Isroilga yo‘naltirilgan raketa zarbasidan so‘ng yanada kuchaydi. Keyinroq Isroil Livan hududiga kuchli aviatsiya va artilleriya zarbalari bergan. Reuters agentligi xabar berishicha, ortiqcha harbiy harakatlar oqibatida Livan hududida yuz minglab aholi o‘z uylaridan ko‘chishga majbur bo‘lgan va qurbonlar soni keskin oshgan.
SAXAL Hizbullohni Eron qo‘llovi ostida urushga qo‘shilgan tashkilot deb ta’riflagan va Isroil tinch aholisiga xavf solishga yo‘l qo‘ymasligini ta’kidlagan. Shu bilan birga, rasmiylar amaliyotning mahdud va maqsadli ekanini va faqat zarur bo‘lgan obyektlar va infratuzilmalarga yo‘naltirilgani haqida ma’lum qilishdi.
Ekspertlarning fikriga ko‘ra, bu harakat mintaqadagi siyosiy va harbiy vaziyatni yanada keskinlashtirishi mumkin, ammo Isroil uchun o‘z shimolidagi aholi va strategik hududlarni himoya qilish uchun zarur chora hisoblanadi. Shunday qilib, amaliyot nafaqat terrorizmga qarshi kurash, balki mahalliy aholi xavfsizligini ta’minlashga ham qaratilgan.
“Zamin”ni Telegramʻda oʻqing!
