Hafta davomida O‘zbekistonning turli hududlarida havo harorati asta-sekin oshib borishi kutilmoqda. Tun va tong paytlari avvalidagi salqinlik o‘rin olib turgani bilan, hafta o‘rtalariga kelib iliq va qulay harorat qiymatlari bilan almashadi. Vaqti-vaqti bilan ayrim mintaqalarda yog‘in yoki yumshoq yomg‘ir ko‘rinishi ham kuzatiladi.
Iqlimshunos Erkin Abdulahatov ma’lum qilishicha, haftaning juma va dam olish kunlari kunduzgi harorat ko‘rsatkichlari ayrim hududlarda +20…+25 darajagacha ko‘tarilishi mumkin. Bu esa o‘tgan haftadagi sovuqdan zarar ko‘rgan nabotot olami uchun qayta uyg‘onish, yangi o‘sish va gullash davrini taqdim etadi.
Martning uchinchi o‘n kunligi esa yana ham namgarchili va yomg‘irli o‘tishi taxmin qilinmoqda. Harorat kesimida oyning uchinchi dekadasi, odatda aprel boshlariga xos bo‘lgan bahoriy havoga mos tushishi ehtimoldan xoli emas.
Martning 11–13 sanalarida mintaqada kuzatilgan sovuq havo oqimi esa ayrim hududlarda erta gullaydigan mevali daraxtlar — bodom, o‘rik, shaftoli, olma — gullariga salbiy ta’sir ko‘rsatdi. Ba’zi hollarda zararlanish ko‘rsatkichi 90% gacha yetgan.
Joriy issiqlik va qulay ob-havo sharoitlaridan kelib chiqib, kurtaklardan gulga aylanadigan mevalarda asalarilarni ko‘p jalb qilish va changlatish usullarini mustahkamlashga e’tibor qaratilmoqda. Bu choralar bahor faslida mevalarning sog‘lom rivojlanishi va yaxshi hosil berishini ta’minlaydi.
Bahor kirib kelgani his etiladi: harorat ko‘tarilmoqda, tabiat yanada yangilanadi va gullab yashnaydi, asalarilarning faoliyati esa hosil uchun muhim rol o‘ynaydi.
“Zamin”ni Telegramʻda oʻqing!
