Angliya Premer-ligasi doirasidagi 30-tur bellashuvlari qizg‘in va murosasiz kurashlar bilan davom etmoqda. Ushbu turda "Manchester City" o‘z maydonida "West Ham United"ga qarshi bahs olib bordi va uchrashuv 1:1 hisobidagi durang natija bilan yakunlandi.
Bellashuvdan so‘ng “shaharliklar” yarim himoyachisi Rodri jamoaning chempionlik poygasidagi imkoniyatlari haqida fikr bildirdi. Uning ta’kidlashicha, jamoa qiyin vaziyatga qaramay, chempionlik uchun kurashni davom ettiradi.
— Biz hech qachon taslim bo‘lmoqchi emasmiz. Kurashni oxirigacha davom ettiramiz. Albatta, oldinda oson bo‘lmagan o‘yinlar kutayotganini tushunamiz. Ammo jamoada tajriba bor, biz chempionlikka erishish uchun nima talab etilishini yaxshi bilamiz. Hozir ochkolar farqi kattadek ko‘rinadi, lekin baribir oxirigacha harakat qilamiz, — dedi Rodri.
Hozirgi holatga ko‘ra, Premier League turnir jadvalida “Manchester Siti” 30 turdan keyin 61 ochko jamg‘arib, ikkinchi pog‘onada bormoqda. Peshqadam "Arsenal" bilan farq 9 ochkoni tashkil etmoqda. Shu bilan birga, “kanonirlar” raqibiga nisbatan bir o‘yin ko‘proq o‘tkazgan.
Yaqin kunlarda ushbu ikki klub yana bir necha bor o‘zaro to‘qnash kelishi kutilmoqda. Xususan, 22-mart kuni "Arsenal" va "Manchester City" EFL Cup Final doirasida final bahsida maydonga tushadi. Bu bellashuv har ikki jamoa uchun mavsumdagi muhim o‘yinlardan biri bo‘lishi kutilmoqda.
Bundan tashqari, 19-aprel kuni Premer-liganing 33-turida ham bu ikki grand yana yuzma-yuz keladi. O‘yin "Etihad Stadium"da bo‘lib o‘tadi va chempionlik poygasida hal qiluvchi ahamiyat kasb etishi mumkin.
Futbol muxlislari esa hozirdanoq bu ikki klub o‘rtasidagi navbatdagi to‘qnashuvlar qanday kechishi va chempionlik kurashi qay darajada qizg‘in tus olishini katta qiziqish bilan kutib turishmoqda.
“Zamin”ni Telegramʻda oʻqing!
