Putin qizlari to‘g‘risidagi savolga aniq javob bermadi

  • 19 dekabr 2019, 19:00
  • 2 342
  • Dunyo
  • Putin qizlari to‘g‘risidagi savolga aniq javob bermadi
    Foto: Reuters
    Rossiya prezidenti Vladimir Putindan matbuot anjumani chog‘ida jurnalistlardan biri OAV uning qizlari deb atayotgan Mariya Voronsova va Katerina Tixonovani qachon o‘z farzandlari deb tan olishini so‘radi.

    U bu savolga javob bermadi, ular bilan bog‘liq kompaniyalar faoliyati to‘g‘risidagi savolga javobida esa ularning ism-sharifini tilga olmadi va «ayol» so‘zi bilan cheklandi.

    «Siz bir ayolni, ikkinchisini, ularning shaxsiy ulushi, biznesining hajmini tilga oldingiz. Siz fakt keltirdingiz, ammo bu yetarli emas. Kavlashtirib ko‘rsangiz bu qanaqa biznes, kimga nima tegishli, kim kimga yordam berayotganini bilasiz», — dedi Putin.

    Rasman Putinning ikki nafar qizi borligi ma’lum, ammo u hech qachon ularning shaxsini ma’lum qilmagan. Rossiya prezidentining so‘zlariga ko‘ra, uning farzandlari fan bilan mashg‘ul va «siyosatga aralashishmaydi». U shuningdek, ikki nafar nabirasi borligini aytgan.

    » » Putin qizlari to‘g‘risidagi savolga aniq javob bermadi