Juftlar orasida kichik tortishuvlar bo‘lishi tabiiy hol. Bunday holni asabiylik bilan katta janjalga aylantirib yubormaslik muhim. Agar turmush o‘rtog‘ingiz asabiylashayotgan bo‘lsa, siz past keling. Ko‘ngilni sindiradigan, qaytarib olib bo‘lmaydigan so‘z va harakatlardan tiyiling!
Tortishuv asnosida “u baqiryapti-ku!” deya siz ham ovozingizni balandlatmang. Shovqin solish bilan hech nima hal bo‘lmaydi.
Agar tortishuvda albatta kimningdir yutishi kerak bo‘lsa, qo‘ying, juftingiz g‘alaba qozonsin. Oila hokimiyat uchun kurash maydoni emasligini unutmang!
Juftingizning o‘tmishda qilgan xatolarini takrorlab, eslatavermang. Bugungacha hech kim o‘tmishni orqaga qaytarolmagan va eski xatosini tuzatolmagan.
Nega turmush qurganingizni unutmang. Shodlik va qayg‘ularingizni bo‘lishish, hayotdan ikki karra ko‘proq zavq olish uchun oila qurgansiz, shunday emasmi?
Ishlaringiz yuzasidan turmush o‘rtog‘ingiz bilan maslahatlashmaydigan, uning fikri bilan qiziqmaydigan, buning o‘rniga do‘stu dugonalaringizga ko‘proq quloq soladigan bo‘lsangiz, bilingki, noto‘g‘ri yo‘ldasiz!
Kun davomida kamida bir marta juftingizga yaxshi gap ayting. Uning sizdan chiroyli so‘z eshitganida ko‘zlari sevinchdan porlashiga hech ahamiyat berganmisiz?
Xato qilsangiz, buni tan oling va uzr so‘rang. Xato qilish hayot tugadi degani emas. Asosiysi, adashganini qabul qila olish.
Oilaviy halovatning asosiy omillaridan biri, ko‘chadagi odamlar bilan munosabatda qanchalik nozik va kibor bo‘lsangiz, hech bo‘lmaganda buning yarmini oila ahlingizdan ayamasligingizdir!
Manba: Irfon.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi