Ibn Umar roziyallohu anhumodan rivoyat qilinadi: Nabiy sollallohu alayhi vasallam: "Agar banda yolg‘on gapirsa, u qilgan narsaning sassig‘idan farishta undan bir mil nariga uzoqlashadi", dedilar.
Bu dunyoda bandani qo‘riqlab turish uchun biriktirilgan farishta ham uning yolg‘oni sassig‘idan hazar qilib, undan qochar ekan. Farishtasi o‘zidan qochgan odam kim degan odam bo‘ladi? Xalq ichidagi "Falonchining farishtasi yo‘q", degan qabildagi gap bejiz emas. Shuning uchun ham zinhor va zinhor yolg‘on gapirmaslik lozim.
Rasululloh sollallohu alayhi vasallam: "Ota-onaga yaxshilik qilish umrni ziyoda qiladi. Yolg‘on rizqni kamaytiradi. Duo qazoni qaytaradi", dedilar.
Ushbu hadisda yolg‘onning bu dunyodagi zararlaridan biri-rizqni kamaytirishi zikr qilinyapti. Demak, Alloh taolo yolg‘onchi kishining uyidan, korxona boshlig‘ining korxonasidan, yolg‘onchi podshohning yurtidan barakani ko‘taradi, rizqlarini qisqartirib qo‘yadi. Ushbu haqiqatni bugungi kun tajribasida ham ko‘rib turibmiz.
Yolg‘onchiligi bilan tanilgan nusxalarning hayotiga nazar solsangiz, rizqi qisqaligini ko‘rasiz. Ular o‘zlarining yolg‘onchilik sifati ularga bu dunyo va oxiratda yaxshilik keltirmasligini teran anglab yetishlari kerak. Jumladan, bu dunyoda rizqlari tor bo‘lib, topganlari barakasiz bo‘lib, duch kelgandan qarz so‘rab yurishlari bejiz emasligini tushunishlari lozim.
Demak, bu dunyoyu u dunyoning baxtiga erishmoqchi va ikki dunyoning azob-uqubatidan, sharmandaligidan qutulmoqchi bo‘lsak, rizqimizning keng va serob bo‘lishini istasak, yolg‘ondan qutulishimiz lozim ekan. Bu ishda katta-yu kichik, erkag-u ayol, fuqaro-yu amaldor barobar harakat qilmog‘i lozim. Ana shundagina yaxshilikdan umid qilsak bo‘ladi.
Alloh taolo barchamizni yolg‘onchilikdan va yolg‘onchilarning kasridan O‘zi asrasin.
Olimjon KARIMOV
Peshku tuman "Xo‘ja Peshku"
jome’ masjidi imom xatibi
Peshku tuman "Xo‘ja Peshku"
jome’ masjidi imom xatibi
Manba: O‘MI Buxoro viloyati vakilligi “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi