Olimlar umrni uzaytiruvchi oziq-ovqat mahsulotlarini ma’lum qilishdi

  • 23 sentyabr 2019, 00:06
  • 1 887
  • Hayot tarzi
  • Olimlar umrni uzaytiruvchi oziq-ovqat mahsulotlarini ma’lum qilishdi
    Olimlar turli davlatlarning uzoq umr ko‘ruvchi insonlari ratsionini o‘rganib, ularning uzoq umr ko‘rishi va foydali mahsulotlar iste’mol qilishi o‘rtasidagi qonuniyatni aniqlashdi. Bu haqda “Argumentы i faktы” nashriga tayanib Kun.uz xabar berdi.

    Parhezshunos Mariyat Muxinaning so‘zlashicha, gap antioksidantlar – DNKni barbod qiluvchi va hujayralar o‘lishiga ko‘mak beruvchi erkin radikallarga qarshi kurashuvchi moddalarga ega oziq-ovqat mahsulotlari haqida bormoqda.

    Tarkibida antioksidantlarning ko‘pligi bo‘yicha ko‘k choy yetakchilik qiladi. U siydik haydovchi vosita va moddalar almashinuvi katalizatori hisoblanadi. Muxinaning aytishicha, choyni har kuni ichish foydalidir. Keyingi o‘rinlarni xurmo va chakanda (oblepixa) egallamoqda. Xurmo tarkibida 23 ta aminokislota, jumladan triptofan moddasi bor bo‘lib, u ruhiyatni barqarorlashtirib, kayfiyatni yaxshilaydi. Chakandada katta miqdorda A vitamini bor bo‘lib, u keksayishni sekinlashtiradi va organizmning immun jarayonlarida ishtirok etadi.

    Keyingi o‘rinlarni o‘simtalarga qarshi faolikka ega moddalar – antotsianga ega chernika va likopin moddasi evaziga organizmni me’yoridan ko‘p ovqat yeyish va vazn to‘plashdan qutqaruvchi pomidor egallagan. Parhezshunos umrni uzaytiruvchi mahsulotlar qatoriga sut-qatiq mahsulotlarini ham kiritgan. Ular tarkibiga foydali aminokislotalar, vitaminlar va kalsiy kiradi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Olimlar umrni uzaytiruvchi oziq-ovqat mahsulotlarini ma’lum qilishdi