TAʼZIYA
Osmon qarab turdi, yer chidab turdi,
Vahshiylik toʻniga burkandi lain.
Ogʻir bir sukunat suqilib kirdi,
Zotan oʻlim haqu, oqibat tayin…
Dilni moziy quchgan xun oʻti yedi,
Butun bashariyat tutindi guvoh –
Bu gul qismatlarning hayoti edi,
Kompyuter oʻyini emasdi, e voh.
Bilaman, milliyard gʻichirlar tishlar,
Qoʻllar bugʻmoq istar ul sharafsizni:
Allohning uyida boʻldi bu ishlar,
Allohning uyida, eshityapsizmi?!
Ochildi jamiki oriy pardalar,
Olam oʻz iqrorin sochdi oxiri:
Qiyomat jumada kelar, derdilar,
Bugun sodir boʻldi kichik zohiri.
Yigʻladim onamni yoʻqotgan kabi,
Singlimdan ayrilgan akadek, doʻstlar.
Allohning yoniga ketdi talabi
Allohning Oʻzini tanigan koʻzlar.
Birgina, birgina yupanchim shulki –
Bari oʻch, bari xun yotur gʻalvirda:
Hali hammasini qiyomat tongi
Koʻramiz Maydonda, jonli efirda!
Xayrulla Xamidov
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
