Sergelida «Matiz» urib ketgan 5 yoshli bolaning ahvoli yaxshi, ota-onasi topildi

  • 10 iyul 2019, 10:53
  • 781
  • Jamiyat
  • Sergelida «Matiz» urib ketgan 5 yoshli bolaning ahvoli yaxshi, ota-onasi topildi
    Foto: IIBB matbuot xizmati
    Ijtimoiy tarmoqlarda 5 yoshli bolani «Matiz» mashinasi urib ketgani va bolaning ota-onasi bundan bexabarligi haqida ma’lumotlar paydo bo‘lgan edi. IIBB matbuot xizmati ushbu xabar yuzasidan bayonot berdi.

    Xabarda aytilishicha, YTH kecha, taxminan soat 19:20da, Sergeli tumanidagi Mirzo Tursunzoda ko‘chasida ro‘y bergan. Besh yoshli R. S. yugurib ko‘chani kesib o‘tayotgan vaqtda 26 yoshli haydovchi Bahrom X. «Matiz» avtomobilida uni urib yuborgan. Haydovchi darhol bolani kasalxonaga yetkazib borgan. U hech qanday og‘ir jarohat olmagan.

    R. S.ning ota-onasi jamoatchilik yordamida topildi va ayni vaqtda bola bilan birga. IIBB matbuot xizmati ushbu hodisani yoritishda va bolaning ota-onasini topishda ishtirok etgan blogerlar va boshqa hamyurtlarimizga minnatdorchilik bildiradi.

    » » Sergelida «Matiz» urib ketgan 5 yoshli bolaning ahvoli yaxshi, ota-onasi topildi