Yaxshi ayol munosabatlarga nuqta qo‘yadigan yo‘lga yurmaydi. Omonat deb emas Qiyomatga qadar deb boshlaydi munosabatlarini.
Yaxshi ayol sevganini qalbida pinhon qizg‘onadi. Bir joyga yuborsa ko‘rkam bo‘lsin, yaxshi ko‘rinsin deydilar. Ishonadilar yaqin insoniga.
Sevganining ust-boshini to‘g‘rilab qo‘yishdan zavqlanadilar. Yaxshi ayollar jur’atli bo‘ladilar. Yaxshi ayolning hayotiga erkak osonlikcha kirib kelolmaydi. “Kut” deganni qabrigacha kutadi yaxshi ayol. Ketgan uchun kuyinmaydi. Ochiq-oshkora diydiyo qilmaydi. Yaxshi ayol har doim go‘zal ko‘rinishni istaydi. Kimlardir uchun emas, o‘zi uchun ham bunga ahamiyat beradi. Boshqalarga husnini ko‘z-ko‘z qilish uchun emas, o‘zini yaxshi ko‘rish uchun yaxshi ayolga go‘zallik kerak. O‘rni kelsa ona bo‘ladi, o‘rni bilan do‘st bo‘ladi. Yaxshi ayol muammolardan qochmaydi.
Hamma narsani o‘rni bilan iziga tushiradilar. Yaxshi ayollar juda mag‘rur bo‘ladi.
Darvoqe’, o‘ziga munosib muomalani ko‘rmasa hech narsa bo‘lmaganday davom etmaydi yaxshi ayol. Yaxshi ayol kimlarningdir xohish-istagiga mos bo‘lishni istamaydi.
Atrofdagilaridan o‘zini boricha qabul qilinishini xohlaydi. Yaxshi ayol sevmasa “sevaman” demaydi. Erkaklar yaxshi ayollarni uncha xushlamaydilar. Chunki oson bo‘ysindirolmaydilar yaxshi ayolni. Yaxshi ayoldan voz kechgan erkak yo‘qotadi. Yaxshi ayol esa yelkasidagi g‘uborni qoqib tashlagandek hayot yo‘lida davom etadi. U shunday yaralgan. G‘amxo‘r. E’tiborli. Mehribon. Bolalikdan ONA bo‘lib tug‘iladi yaxshi ayol. Kuchli bo‘ladi u. Illo biror erkak yaxshi ayolni mavh etsa bu uning o‘g‘li bo‘ladi...
Umida ADIZOVA
Manba: Erk.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi
Sariqmi yoki yashil: qaysi turdagi banan foydaliroq?
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Rossiya dunyodagi birinchi vodorod yoqilg‘ili avtomobilni taqdim etdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi