Amerikalik olimlar qanday mahsulotlar organizmni tozalashga yordam berishini ma’lum qilishdi. Mutaxassislar fikricha, inson organizmi har kuni katta miqdordagi egulikni qayta ishlovchi o‘ziga xos filtr hisoblanadi. "Ortodoks" tibbiy portalida ta’kidlanishicha, zararli moddalarning aksariyati "filtr"ni ifloslantiradi, shu bois organizmga tozalanishga yordam beruvchi mahsulotlar ro‘yxati taqdim etildi.
Sarimsoq - ana shunday mahsulotlardan biri. U biologik faol selen va oltingugurt sekresiyasini oshirish xususiyatiga ega - bu detoksikasiya jarayoni (toksinlarning organizmdan yo‘qolishi) uchun eng muhim ikki komponent hisoblanadi.
Undan keyingi o‘rinda - ko‘katlar. Petrushka, ismaloq va ukrop ovqat hazm qilish tizimini tozalashni yaxshi uddalaydi. Ularda zararli bakteriyalarning ko‘payishiga to‘sqinlik qiluvchi xlorofil mavjud.
Ro‘yxatda shuningdek sitrus mevalar ham qayd etilgan. Mutaxassislarning so‘zlariga ko‘ra, tongni yangi tayyorlangan sitrus meva sharbati bilan boshlash kerak, shunda organizmingiz sizdan minnatdor bo‘ladi. Sitruslarda ko‘p bo‘lgan S vitamini olimlar tomonidan detoksikasiyada qatnashuvchi eng muhim elementlardan biri sifatida tan olingan.
Bundan tashqari, piyoz, brokkoli, bryussel karami, sparja, lavlagi va sabzi ham organizmni tozalashda yordam beradi.
Agar rasioningizda shu mahsulotlar bo‘lsa, oshqozon-ichak trakti soat kabi ishlaydi. Dengiz o‘simliklari juda noyob elementlar - spirulin va xlorelga boy bo‘ladi. Bu elementlarni oddiy oziq-ovqat mahsulotlarida topishning deyarli iloji yo‘q. Tibbiyot xodimlarining ta’kidlashicha, dengiz karami va boshqa suvosti o‘simliklari eng yaxshi "tozalovchi" vositalardan biridir.
Shuningdek shifokorlar zaytun yog‘i, qovoq va kungaboqar pistalari, yong‘oqlar, avokado iste’mol qilishni va ko‘k choy ichishni tavsiya qilishadi.
Manba: Kun.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi