FIFA rasmiy saytida O‘zbekiston terma jamoasi sardori Odil Ahmedov bilan jahon chempionati haqida suhbat chop etildi. Biz o‘zimiz uchun qiziq jihatlarini e’tiboringizga havola qilamiz.
— Biz Rossiyada o‘tadigan JChga bora olamiz, — deydi "Shanxay" SIPJ yarim himoyachisi. — JChga borish orzumizni amalga oshirish uchun borimizni berib harakat qilamiz. Birinchi davrada yaxshi o‘ynadik, lekin endi yana qaytadan kurashni boshlash kerak.
O‘zbekiston terma jamoasi 23 mart kuni Malayziyada Suriyaga qarshi maydonga tushadi. Yana besh kundan keyin esa Qatarga qarshi o‘ynaydi. Odil Ahmedov raqiblar haqida ham gapirib o‘tdi.
— Eron va Janubiy Koreya Osiyoda eng kuchli termalar, — deydi Ahmedov. — Birinchi davrada ularni yutishimiz ham mumkin edi, ammo omadimiz kelmadi. Ushbu mag‘lubiyatlardan saboq chiqardik va ularni engishga tayyormiz.
Odil Ahmedov o‘z faoliyati haqida ham gapirdi. "Paxtakor", "Anji" va "Krasnodar" haqida iliq fikrlar bildirdi. Mashhur futbolchilardan ko‘p narsa o‘rganganini ta’kidladi.
— O‘sha paytlarda Eto‘O va Karlos bilan o‘ynadim, mashg‘ulot o‘tkazdim. Ikkisi ham ajoyib futbolchidir. Ulardan ilhomlangan holda professonallikka erishdim va maydonda hamda maydon tashqarisidagi bilimlarimni oshirdim. Rossiya chempionati orqali ko‘p narsa o‘rgandim.
O‘zbekiston terma jamoasining Rossiyaga borishi haqida shunday deb, intervyuni yakunladi:
— Jahon chempionatiga borishni juda istayman va buning uchun yana Rossiyaga qaytishga tayyorman. Lekin bu safar Vatanim terma jamoasi — O‘zbekiston sharafini himoya qilaman. Bu juda zo‘r bo‘ladi!
Manba: www.uff.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?