Har bir murabbiy erishgan natija o‘ziga yarasha, kimdadir yaxshiroq, kimdadir yomonroq, ammo birortasidan ko‘nglimiz to‘lib, rahmat aytganimiz yo‘q. Shu jumladan oxirgi bosh murabbiyimiz Samvel og‘ani eslaganimizda ham faqat yuzimiz burishadi va bolaxonador qilib so‘ka boshlaymiz.
Yodingizda bo‘lsa, boshida hammasi yaxshi ketayotgan, termamiz bu murabbiy boshchiligida qator g‘alabalarga erishayotgan, buyog‘i Hojiboy Tojiboyev aytganidek «O‘zbekiston shu yil jahon chempionatiga chiqib ketadiyov» deb o‘ylab qolgandik. Ko‘pchiligimiz o‘zimizcha Rossiyaga borishni, Messi yoki Ronaldu jamoasiga qarshi maydonga tushajak yigitlarimizga maza qilib muxlislik qilishni rejalashtirib yurgandik.
Hayhot, hammasi har doimgidek bo‘ldi, Babayan birinchi raqamli dushmanga aylandi, qilar ishni qildi-yu, shartta survordi. Bu orada futbolimizda rahbariyat almashdi.
Termamiz hanuz bosh murabbiysiz yurgan, biror mashg‘ulot o‘tkazmayotgan, umuman endi o‘sha biz bilgan terma jamoa bo‘ladimi, yo‘qmi, noaniq bo‘lib turgan, hamma yangi murabbiy masalasi tezroq hal bo‘lishini kutayotgan bir paytda chaqmoqdek xabar tarqaldi – Babayan futboldan chetlashtirilibdi!
«Nima, oldin o‘rtadamidi? Birorta jamoaning Babayanga ko‘zi uchib turganmidi?»
Balki uning iqtidori qaysidir jamoamizni bemalol boshqarishga yetar, lekin u qanday klubki, xalqning g‘azabiga uchragan shaxsni o‘ziga bosh qilib olib keladi?!
Noqonuniy ishlarda ayblanibdi, buning uchun chetlashtirish emas, javobgarlikka tortish kerak emasmidi? Eng qizig‘i, shuncha odam ishlagan klub va termada faqat Babayan «yeb ketgan» ekanmi? Murabbiyning bir o‘zi shuncha noqonuniy ishlarga qodirmi? Nega o‘sha paytda, murabbiy ot ustida bo‘lgan yoki kimningdir qo‘llovida yurgan paytda ko‘rinmagan iqtisodiy jinoyatlar endi ko‘rinib qoldi? Eng qizig‘i – faqat Babayan javob berib (javob bersa hali), boshqalar qolib ketaveradimi?
Xullas, har doimgiday savollar bisyor – javoblar dushvor…
Manba: xabar.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
