Foto: “the-uff.com”
Yevropa futbolini yaqindan o‘rganish, Yevropa futbol assotsiatsiyalari va kuchli jamoalari bilan hamkorlikni yanada kuchaytirish maqsadida O‘FA Yevropada o‘z vakilini tayinlashga qaror qildi. Bu haqda O‘FA matbuot xizmati xabar berdi.
Dilshod Ro‘zmetov O‘zbekiston futbol assotsiatsiyasining Yevropadagi vakili etib tayinlandi. Uning Yevropadagi asosiy vazifalari quyidagilardan iborat bo‘ladi:
- Futbolchilar, murabbiylar, tibbiyot xodimlari va menedjerlar tayyorlashning (keyinchalik O‘zbekistonda qo‘llashga mo‘ljallangan) zamonaviy Yevropa texnologiyasi va nazorati uslublarini o‘zida aks ettirgan tajriba va ma’lumotlarni to‘plash;
- Yevropa futbol federatsiyalarining O‘zbekiston futbol assotsiatsiyasi bilan hamkorlikka bo‘lgan qiziqishlari haqidagi barcha ma’lumotlarni jamlash;
- O‘zbek futbolining raqobatbardoshlik qobiliyatini oshirish va O‘zbekiston terma jamoasi hamda professional klublarining nufuzli xalqaro musobaqalardagi natijalarini yaxshilash maqsadida, tajribali xorij ekspertlari va mutaxassislarini O‘zbekistonda master klasslar o‘tkazishga jalb qilish;
- O‘zbekiston futbol assotsiatsiyasi va xalqaro futbol tashkilotlarining o‘zaro amaliy uchrashuvlarini tashkil etish ishlarida ishtirok etish.
Ma’lumot uchun: Dilshod Ro‘zmetov 1979 yilda tug‘ilgan. Jahon Iqtisodiyoti va Diplomatiya Universitetida tahsil olgan. Xalqaro huquq bo‘yicha bakalavr va magistr darajasiga ega. Shuningdek, Bremen (Germaniya) Universitetining Yevropa va Xalkaro huquq bo‘yicha master darajali (LL.M.EUR) bitiruvchisi. O‘zbek, rus, ingliz va nemis tillarini mukammal biladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi
Sariqmi yoki yashil: qaysi turdagi banan foydaliroq?
Rossiya dunyodagi birinchi vodorod yoqilg‘ili avtomobilni taqdim etdi
