O‘zbekiston milliy terma jamoasining birinchi turda Ummon ustidan qiyinchilik bilan qozongan g‘alabasi haqida har kim o‘z fikrlarini bildirishyapti. To‘g‘ri, bu birinchi o‘yin bo‘lgani uchun ham futbolchilarimiz qiynalishdi. Ammo biz nima bo‘lsa ham yakunda uch ochkoni qo‘lga kiritdik. Oldinda esa bizni Turkmanistonga qarshi derbi bellashuv kutib turibdi. Hozirda futbolchilarimiz mashg‘ulotlarda ko‘tarinki kayfiyat bilan ushbu o‘yinga tayyorgarlikni olib borishmoqda. Ummonga qarshi bahsda qanot himoyachisi sifatida to‘p surgan Oleg Zoteyev esa Ummon va bo‘lajak bahs haqidagi fikrlari bilan o‘rtoqlashdi.
- Kutilganidek, birinchi o‘yin juda katta bosim ostida o‘tdi. Chunki bunday yirik musobaqalardagi ilk uchrashuvda albatta har doim hayajon bo‘ladi. Biz faqat va faqat g‘alaba uchun maydonga tushganimiz bois zimmamizdagi mas’uliyat ham katta edi. To‘g‘risini aytsam, uch ochkoni qo‘lga kiritib, ijobiy natijaga erishganimizdan hamma xursand. Uchrashuvni hamma ko‘rdi, bilaman o‘yin davomida ko‘p xatolarga yo‘l qo‘ydik. Shunday bo‘lsa-da, biz yakunda o‘ta qimmatli g‘alabani qo‘lga kiritdik.
- Umumiy olib qaraganda, Osiyo Kubogida kuchsiz jamoaning o‘zi yo‘q. Masalan, o‘sha Ummon terma jamoasi ham kuchli raqiblar qatoriga kiradi. Yaxshi shakllangan jamoa, to‘pni o‘zida yaxshi nazorat qila oladi. Futbolchilari esa individual mahorati bilan ajralib turishadi. Qisqasi, kuchli raqib. Ummonning Yaponiya bilan uchrashuvi qiyin bo‘ladi deb o‘ylayman.
- Ayni paytda mashg‘ulotlarda yo‘l qo‘ygan xatolarimiz ustida ishlayapmiz. Aytishim kerakki, butun jamoada kayfiyat zo‘r. Navbatdagi uchrashuv ham biz uchun juda muhim. Keyingi o‘yinga yanada yaxshi kayfiyat bilan maydonga tushib, kuchliroq o‘yin ko‘rsatishga harakat qilamiz. Asosiysi, muxlislarimiz bizni qo‘llab-quvvatlashda davom etishsin, chunki ularning daldasi bizga juda ham muhim – deydi Oleg Zoteyev.
Shuhratbk Jo‘rayev suhbatlashdi
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?