Rossiyada nashr etiladigan "Kultura" jurnali ijodkorlari bir necha kun avval "Navbahor" bosh murabbiyi Andrey Kanchelskisdan intervyu oldi. Mazkur nashr jurnalistlari Kanchelskisni Namanganda ishlashini bilmasakan ham!
- JCh vaqtida TVda muntazam ravishda ko‘rinish berdingiz. Keyinroq esa "yo‘qolib" qoldingiz. Qayerda edingiz?
- O‘zbekistonning "Navbahor" jamoasidan taklif oldim. Endi O‘zbekistonda o‘z faoliyatimni olib boryapman. Jamoamiz asta-sekin o‘sishga erishmoqda. Klub bazasida, "Markaziy" o‘yingohda ta’mirlash ishlari olib borilmoqda.
- O‘tgan oyda yubiley 50 yoshingizni nishonladingiz. Tug‘ilgan kunni qayerda o‘tkazdingiz?
- O‘sha vaqtda jamoam bilan Yevpatoriyada yig‘in o‘tkazayotgan edik. Hech qanday ortiqcha dabdabasiz 50 yoshni qarshiladim. Italiya, Angliyada o‘ynaganimda tug‘ilgan kunim mavsumning eng muhim pallasiga to‘g‘ri kelardi. Katta tort olib kelardim, jamoadagilar bilan suhbatlashamiz, tortni birga baham ko‘rardik. Hozirgacha hech nima o‘zgarmagan.
- O‘zbekistonda eski tanishlaringizni uchratdingizmi?
- Albatta. "Paxtakor" bosh murabbiyi Shota Arveladze bilan Shotlandiyaning "Glazgo Reynjers" jamoasida birga o‘ynagandik. Rossiya jamoalarida o‘ynagan Baxtiyor Ashurmatov hozir "Buxoro"ni qo‘lga olgan. Murabbiylar shtabidan o‘rin olgan Mustafo Bayramov bilan maydonda to‘qnash kelganmiz. "Dinamo" Kiyev bilan O‘zbekistonda mahalliy jamoaga qarshi o‘ynaganimizda Bayramov bizning jamoaga qarshi maydonga chiqqandi.
- Ingliz va italyan tillarini yaxshi bilasiz. Qiziq, Saudiya Arabistonida o‘ynaganingizda qaysi tilda muloqot qilgansiz?
- Faqat ingliz tilida. O‘shanda Saudiya jamoasida gollandiyalik mutaxassis bosh murabbiy edi. Qo‘shimchasiga bir nechta Yevropadan o‘yinchi bor edi.
- Buyuk Britaniya nafaqat futbol Vatani balki, rok-musiqa yurti hamdir. Angliyada o‘ynagan vaqtingizda musiqa shaydosiga ham aylangandirsiz?
- Bir nechta san’atkorlar bilan shaxsan tanishman. Masalan, Kris Ri bilan. "Status Quo" guruhi MYu haqida qo‘shiq kuylagan va unda mening ism-sharifimni ham tilga olib o‘tgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Vladimir Putin «Krokus»da sodir etilgan terakt uchun o‘ch olishga chaqirdi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi
Sariqmi yoki yashil: qaysi turdagi banan foydaliroq?