Foto: «Terabayt»
Kuni kecha, 2018 yilning 9 iyun sanasida «Samsung» o‘zining o‘rta narxli «Galaxy A9 Star» hamda «Galaxy A9 Star Lite» modelli smartfonlarini rasman namoyish qildi, deb xabar bermoqda «Terabayt».
Bu ikki modelning o‘xshash jihatlari ko‘p: 2220x1080 piksel sig‘imli SuperAMOLED-displey, Qualcomm chipsetlari, 4 gigabaytlik tezkor xotira, 24 megapikselli selfi-kamera, orqa paneldagi daktiloskopik datchik, NFC moduli hamda Experience 9.0 grafik qobig‘idagi «Android Oreo» operatsion tizimi.
Farqlariga keladigan bo‘lsak, «Galaxy A9 Star» gadjeti Snapdragon 660 protsessoriga va diagonaliga 6,28 dyuymlik ekranga ega. Uning doimiy xotirasi hajmi 64 gigabaytga, akkumulyatorining tok sig‘imi esa 3700 mA/soatga teng. Smartfonning asosiy kamerasi 16 va 24 megapikselli sensorlarni o‘z ichiga olgan, ular «iPhone X» dizaynida joylashtirilgan. Smartfonda zamonaviy USB Type-C porti hamda FM-radio mavjud.
Foto: «Terabayt»
«Aka-uka»larning «kichkina»si – «Galaxy A9 Star Lite» esa 6 dyuymlik ekran bilan kifoyalangan, chipseti ham Snapdragon 450 modeliga mansub. 3500 mA/soatlik batareyadan kuch olib ishlaydigan bu smartfon 32 gigabayt ichki xotiraga ega. Garchi selfi uchun 24 megapikselli kamera ajratilgan bo‘lsa-da, «Galaxy A9 Star Lite» modelining asosiy kamerasi «oddiyroq» – 5 va 16 megapikselli datchiklardan iborat.
«Cho‘ntakbop» flagmanlarning savdosi 15 iyundan boshlanadi. Ularning «to‘ng‘ich»i 470 dollar, «kenja»si esa – 310 dollardan sotuvga chiqishi kutilyapti.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi