Германия чемпионатининг 21-турида «Хайденхайм» ўз майдонида «Гамбург»ни қабул қилди. Учрашув меҳмонларнинг устунлиги остида кечди. Бу ҳақда euro-football.ru хабар беради.
Ўйин бошида Никлас Дорш ҳисобни очиш учун имкониятга эга бўлди, бироқ унинг хавфли зарбасини дарвозабон қайтарди. Биринчи бўлимга қўшиб берилган дақиқаларда эса «Гамбург» босимини голга айлантирди — Рансфорд Кенигсдорффер ҳисобни очди.
Иккинчи таймда Патрик Майнканинг бош билан йўллаган зарбаси ва дарвозабоннинг чиройли сейвини мухлислар алоҳида эслаб қолди. Орадан кўп ўтмай «Гамбург» қарши ҳужумда яна бир бор ўз сўзини айтди: Фабию Виейра узатмасидан сўнг Раян Филипп аниқ зарба бериб, ҳисобни 0:2 кўринишига келтирди.
Мезбонлар Стефан Шиммернинг голи билан интригани қайтаргандек бўлди, аммо VAR аралашувидан сўнг гол бекор қилинди. Натижада «Хайденхайм» турнир жадвалининг энг қуйи қисмида қолиб кетди, «Гамбург» эса 11-ўринда бормоқда.
“Zamin”ни Telegram'да ўқинг!
