Germaniya chempionatining 21-turida «Haydenhaym» o'z maydonida «Gamburg»ni qabul qildi. Uchrashuv mehmonlarning ustunligi ostida kechdi. Bu haqda euro-football.ru xabar beradi.
O'yin boshida Niklas Dorsh hisobni ochish uchun imkoniyatga ega bo'ldi, biroq uning xavfli zarbasini darvozabon qaytardi. Birinchi bo'limga qo'shib berilgan daqiqalarda esa «Gamburg» bosimini golga aylantirdi — Ransford Kenigsdorffer hisobni ochdi.
Ikkinchi taymda Patrik Maynkaning bosh bilan yo'llagan zarbasi va darvozabonning chiroyli seyvini muxlislar alohida eslab qoldi. Oradan ko'p o'tmay «Gamburg» qarshi hujumda yana bir bor o'z so'zini aytdi: Fabiu Viyera uzatmasidan so'ng Rayan Filipp aniq zarba berib, hisobni 0:2 ko'rinishiga keltirdi.
Mezbonlar Stefan Shimmerning goli bilan intrigani qaytargandek bo'ldi, ammo VAR aralashuvidan so'ng gol bekor qilindi. Natijada «Haydenhaym» turnir jadvalining eng quyi qismida qolib ketdi, «Gamburg» esa 11-o'rinda bormoqda.
“Zamin”ni Telegramʻda oʻqing!
