«Ювентус» ҳужумчиси Душан Влаховичнинг «Барселона»га ўтиши борасидаги миш-мишлар сўнгги кунларда яна кучайди. Бу ҳақда euro-football.ru хабар беради.
Сербиялик футболчи каталонияликлар сафига эркин агент сифатида қўшилиши мумкинлиги айтилмоқда: унинг амалдаги шартномаси келаси ёзда якунига етади. Бу мавзу Сербия терма жамоаси мураббийлар штаби вакилининг фикрларидан кейин янада қизиб кетди.
Инсайдер Фабритсио Романо эса бу хабарларга ойдинлик киритди: унинг таъкидлашича, Сербия томони билдирган гаплар ҳақиқатга мос эмас. Романо Влахович ҳеч ким билан келишувга эришмаганини, «Ювентус» спорт директори Оттолини ҳам шартномани узайтириш вариантини инкор этмаётганини қайд этди. Шунингдек, «Барселона» октябрь ойида футболчи билан алоқага чиққані рост, бироқ масала кўп жиҳатдан Роберт Левандовски билан боғлиқ вазиятга тақалади.
Аввалроқ Влахович учун «Бавария», «Милан» ва бошқа клублар ҳам даъвогар сифатида тилга олинган эди.
“Zamin”ни Telegram'да ўқинг!
