Осиё Чемпионлар лигасида «Шанхай Шэньхуа» етти турдан кейин плей-оффга чиқиш имкониятларидан маҳрум бўлганди. Саккизинчи турда Леонид Слуцкий жамоаси «Бурирам Юнайтед»га қарши ҳеч бўлмаганда мусобақа билан чиройли хайрлашишга уриниб кўрди, бироқ бунга эриша олмади. Бу ҳақда euro-football.ru хабар беради.
Учрашувда Таиланд вакили «Бурирам Юнайтед» 2:0 ҳисобида ғалаба қозонди. Мезбонлар биринчи бўлимнинг бошидаёқ икки бор дарвозани ишғол қилди: 11-дақиқада Гуд Ко'ртис, 22-дақиқада эса Супханат Муеанта гол урди.
Кўп ўтмай «Шанхай Шэньхуа»нинг бир футболчиси майдондан четлатилиб, жамоа бир киши кам бўлиб қолди ва бу ҳолат ўйиндаги интрига деярли сўнишига олиб келди.
Таъкидланишича, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
