«Шанхай Шенхуа» Осиё Чемпионлар лигаси гуруҳ босқичида етти турдан сўнг плей-оффга чиқиш имкониятларини бой берди. Саккизинчи турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги имконият эди, бироқ у ҳам муваффақиятли якунланмади. Бу ҳақда euro-football.ru хабар беради.
Тайланд клуби учрашувда 2:0 ҳисобида зафар қучди. «Бурирам Юнайтед» биринчи бўлимнинг илк дақиқаларидаёқ икки бор рақиб дарвозасини ишғол қилди — 11-дақиқада Гуд Кертис, 22-дақиқада эса Муеанта Супханат гол муаллифига айланди. Кўп ўтмай «Шанхай Шенхуа» бир ўйинчи кам бўлиб қолгач, интрига деярли сўнди.
Қайд этиш жоиз, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
